જુનાગઢમા બાબી વંશની રાજસતા હતી.બાબી નવાબ શેરખાન સતા ભોગવતા હતા.ત્યારે કેશોદ તાલુકાના ક ણેરી,શેરગઢ,તરશીંગડા , પાંસલી ,અજાબ , માતરવાણિયા વગેરે ૨૪ જેટલાં ગામોમાં મહિયા રાજપૂતોનો ભગવો લહેરાતો હતો.આવું જ એક ગામ પ્રાંસલી માં મહિયા મુખી મુળુભા બાબરિયા હતા.
સવંત ૧૮૨૪નાફાગણ સુદ ૪ની ઢળતી સાંજનો સમય હતો.ગામ મુખી મુળુભાના કુંવર વસ્તાબાપુની જાન પરણીને પાછી આવી હતી.શરણાઈના સૂર લહેરાઈ રહ્યા હતા.મંગલ ગીતો ગવાઈ રહ્યા હતા.ગામમાં ઉત્સવ જેવો માહોલ હતો.
મુળુભાની ડેલીએ આવીને કોઈકે સમાચાર દીધા હકુ મકરાણી પ્રાસંલી ગામનું ગૌધણ વારી ગયો.
વસ્તાબાપુએ પડકારો, “હકુ મકરાણી!....કી દસ ગ્યો.”
સામેથી જવાબ આવ્યો ,”હા બાપુ હકુ મકરાણી...નોજનાવાવની સીમ ભણી.”
મીંઢૉળ બાંધ્યા વસ્તાબાપુએ તલવાર ખેંચી.ઘોડી પલાની તે દિશામાં પવન વેગે ઘોડી દોડાવી મુકી.પાછળ મહિયા જાનૈયાઓ પણ હથિયાર લઇને દોડ્યા .ગામમાં વાગતા લગનના મંગલ ઢોલનો સૂર ધીંગાણાનાં ઢોલમાં પલટાઈ ગયો.
વસ્તાબાપુએ પવનની લહેરની માફક ઘોડી દોડાવી. અણિયારાની સીમમાં મકરાણીઓ ને આંબી પડકારો કર્યો.માટી થાજો મકરાણા તલવાર મ્યાનમાંથી કાઢી અને દુશમનના ટોળામાં ભળી ગયા.જેમ સિંહ ઘેટા–બકરાના ટોળાને વિખેરવા માંડે તેમ વસ્તાબાપુ દુશમનના કટકને ધમરોળવા માંડ્યા.કોઈએ પાછળથી વાર કરતા વસ્તાબાપુનું માથું પડ્યું પણ ધડ દુશ્મનો સામે અણનમ લડતું રહ્યું.ત્યાં સુધીમાં પાછળ આવતા બીજા અશ્વારો પહોચી ગયા.મકારાણીઓ ગૌધણ મુકીને ભાગ્યાં.અશ્વારો વસ્તાબાપુનું ધડ અને ગૌધણ લઇ પ્રાસંલી આવ્યા.
આમ, વસ્તાબાપુ ગૌરક્ષા કાજે ધીંગાણામાં કામ આવ્યા.
હાલ પણ અણીયારાની સીમમાં વસ્તાબાપુની રણ ખાંભી અને પ્રાસંલીના પાદરમાં વસ્તાબાપુનો પાળિયોએ વરસો જુના વીરત્વના સાક્ષી સમા ઊભૉ છે.
જય હો મહિયા વીર વસ્તાબાપુ.......
જય રાજપુતાના
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon